دوغرو موسلمان
يـارادانا شــــوكر ائـــدريك دوغـــرو مــــوسـلمان بيزيك
الـست گـــــونو بلا دئـــــديك هم اهــــــل ايـمان بيزيك
تـــورك اوغلويوق تـــورك تــورونو يوردوموزو سئوريك
يـوردوموزون دوستونادوست دوشمانا دوشمان بيزيك
اوغـــوز،بـــابك،كـــوراوغــــلونو خاطـــرلــــردن آتماريق
دده قـــوردقـــود اؤيـــودلــرين هــئچ وقت اونــوتماريق
مــردلــيك ايله ســـاواشـــاريق دالـــــدانـــيب ياتماريق
تولــــكولره باش ايــمه ين بـــــير بـاش اســـــلان بيزيك
بــــوتون دونـــيا تاريــخينده دوشـماندان بــاج آلميشيق
آلــچاقــلارا اييــلمه مــــيش هــــر زامان اوجالميشيق
دوشمانلاربؤيله سـانماسين سارسيليب قوجالميشيق
تــــلاطــــيملي دنـــــيز كــــيبي دالـقالي تــوفان بيزيك
تاريخــلري ورق وورســـان آدلــي سانلي شانـلي ييق
آغـــري داغــين زيروه سي تك هر زمان دومانـلي ييق
آذربــايــجان بــــالاسي ييق ايستي غـــيرت قان لـييق
يئــدي ايــقــليم تانــير بــيزي ديـل لرده داسـتان بيزيك
دده كاتـــيب بــير اوزلــويوك ســـويـــومــوزو دانــماريق
اؤز ســويــونو دانــانـلاري آصـــلا ايـــنسان ســـانماريق
دين ايـــله وطن اوغـــروندا جان وئــرريك اوسانماريق
قورخوبيلمز تورك اوغلويوق بير قيزميش قاپلان بيزيك


كــــونول الده قــــلم وصــــفي حاليمي
يــــادگار قـــــالماغا يـــازارام بيــــللاه
سينه م مــيدان اولوب غم آل –وئـــرينه
بـــــلالر آلــــــماغا بــــــازارام بيــــللاه
قارقــــانميشام هــــر ميحنته يانام من
قيزيل لاله كيمي بـاغري قـــانـام مـن
يوواسيز قـوشلار تــــك سرگردانام من
بـــو داغــدان او داغــا گـــزره م بيللاه
توخموم شور توپراقدا يانيب كول اولدو
درديم آرتيب گونو گـوندن بول اولــــدو
مجنون كيمي آخير يوردوم چول اولدو
او داغـــــــدان او داغــــا آزارام بــيللاه
دده كــــاتيب يولوم دوشــــدو اوزاغـــا
طوطي تك هم قفس اولموشام زاغا
تپـــــه دن ديـــرناغا بــــاشدان ايـــاغـــا
ديــــلدن تا دوداغـــا آزارام بـــــيــــللاه

كيبر ائيله مه
دلي كــونول كـــــيبر ائيله مه حــــليم اول
كــيـــــبره لـعنت ائــــــيلير كــــلامه شـــريف
ســـن الـلاهـــين قـودره تينه تسلـيم اول
گــــويـــلــره اوخ آتــــــما اي عــبد ضــــــعيف
طــــمعـكار ايــنـــــسانين باشي اوجالماز
قـــــناعــت اهلـــينين كـــــونلو قوجــــالــماز
صبــــر ائــدنـــدن هئچ مــوصيبت باجالماز
صـــــبر بـــير كــــيميادير حق ائــديب تعريف
چــــوخ گــولـن كــئچينين اوزو ســــورتولر
ادبــــلي ايـــنـــسانين عـــيـــبي اورتـــــولـر
نامــــرد اولـــسه خــلقين جاني قــورتولار
مــرد اولـــنده هـــامــي دئــيه ر واي حيـيف
دده كاتـــيب بـــــير آلــــلاهـا ايـــــنـاندي
مـــينت چــــــكــمز مــيـنت بـــار گـــرانـــدي
يارامـــــيشا رزاق قـــادر ســـوبــــحــاندي
اوره گــيـن آيــــناســيـــن ائـــيــله مه كثيف

قالمادي
دلي كــــونــــــول اويــــــما مــــيمـانخانه ده
كاروان كــــوچدو او مــيمانـــلار قالــمادي
طــــمع گـــوزون تــــــــيكمه مــالا مـــقــاما
خـــانــلاركــوچدو خــانــدانـــلار قالـــمادي
بــــير واريــــن گــــوروب ايـــفاده ســــاتدي
كــــيبر ائيله ييب او گــويــلره اوخ آتــــدي
تــــوپراغا قــوشانيب اوز قــــويوب يـــاتدي
جســدلــر چــورودو جـــانلار قــــالــمادي
بــــيري اوزون گــــوروب آزدي يـولـــونـــدان
اوتوردي يــولون هر نه يي دئدي پولوندان
بير دم قـودرتــــيندن بــــير دم قولـــونـــدان
قــول قـــيريـلدي پـهلــيوانــلار قالــمادي
بيري مولكودن دئدي بيري مــــاشــــيندان
اويقونلوق سئوداسين آتــماز باشــيندان
غـافــيل اولــدو يــارادانــــين ايـــشـــــيندن
بــو دونـــيادا سـولــيمانــــلار قالــــمادي
جوشقون كونلوم گئنه درسين اوخوسون
تـــوك آغاردي بيلديم كــفن قـــوقـوسون
ائشــيديب بـــيلنلر رحــمت اوخـــوســو ن
كــاتيب كيمي گــــوهر خــانلار قالــمادي

قالماسين
قادر الله بودور سندن ديله ييم
بولبولون اينتيقامي خارا قالماسين
عومرون باهاري يامان قيش اولدو
يئني يار آچيلسين قارا قالماسين
درويش اولوب قورشانميشام پوستوما
غم اوردوسو هوجوم ائتدي اوستوما
سحر يئلي سلام آپار دوستوما
گولسون اوره ئينده يارا قالماسين
بير درديم بئش اولدو بيله نيم يوخدو
آغلارام گوز ياشيمي سيله نيم يوخدو
قارانليق گئجه ده گله نيم يوخدو
صوبح آچيلسين شب تارا قالماسين
منيم بو درديمي بير الله بيلر
دوستلاريم آه چكر دوشمانيم گولر
كاتيب ياراداندان بير ديلك ديلر
منيم آهيم سيتمكارا قالماسين

سن ده گول
ده لي كؤنول
چوخ ائيله مه آه و زار
ياز آچيليب گوللر گولور سن ده گول
صبح آچيلدي ظلمت اولودو تار و مار
سولار جوشوب سئللر گولور سن ده گول
بنؤوشه باش وئريب بوياندي لاله
ساقي لر الينده گزير پياله
رقيب لر گؤرونجه دوشدو خياله
جهان شاددير ائل لر گولور سن ده گول
سرو سايه ساليب قمر اولدو شق
عندليب ديل آچيب اوخور هوالحق
مشاطه لر نوردان چكيبدير بيدق
مشاطه گول،تئل لر گولور سن ده گول
دوستون باغچاسيندا بولبول غزلخوان
ارغنون عرشده اوخويور سبحان
كاتيب غصه لنمه الحكم قرآن
حقي دئيه ن ديل لر گولور سن ده گول

عرفان عالمينده
عيرفان عالمينده اينسان ايچينده
هئچ زامان ياخشييا يامان دئمزلر
اخلاق دفترينده قرآن ايچينده
رياكارا اهل قرآن دئمزلر
انسان اودور بوش دورماسين چاليشسين
عاشيق گرك عشق اودونا آليشسين
بير انسان كي هر نه گلدي دانيشسين
حياسيزا اهل ايمان دئمزلر
انسانلارين وفاليسي ياخشي دير
آينالارين شفافليسي ياخشي دير
اوغرونوندا اينصافليسي ياخشي دير
اينصافسيزا صاحب وجدان دئمزلر
دده كاتيب بو جمله يه خوش اينان
ايمانين خرمنين يانديرار يالان
وارليا دوست اولان يوخسولا دوشمان
هئچ قانوندا اونا اينسان دئمزلر

اؤلندن سونرا
كؤنول كيميادير عؤمرون باهاري
سولاجاق بو داقلار اؤلندن سونرا
فرصت گئتسه حسرت بره باغلاماز
بيرده دؤنمز ساغلار اؤلندن سونرا
دم غنيمت،چاليش قازان ساغ ايكن
آتشي سؤندورمه قازان داغ ايكن
ديء دانيش ديل دوداق داماق ساغ ايكن
باغلانار دوداقلار اؤلندن سونرا
آدام وار دادماييب دوستلوق شربتين
وقتي بيلمز الدن وئرر فرصتين
ساغليغيندا بيلمز دوستون قيمتين
افسوس ائيلر آغلار اؤلندن سونرا
دده كاتيب هئچ قورتماز ديدهسين
كيم ساغالدار اوره گينين زده سين
اوغول واردير هر گون دؤير دده سين
اوچ آي قارا باغلار اؤلندن سونرا

اوغول اؤلومو
مدد سندن اي جان وئريب جان آلان
صبر ائيله ين مصيبته دايانار
هر آتشه بير سو سپسن او سؤنر
قارداش اودو سؤنمز يانار ها يانار
اوغول اوره كدن دي ياخار اوره گي
قبول اولسون اوغولسوزون ديله گي
قارداشي اؤلنين يانار ديره گي
ديره كسيز خانه سي يانار ها يانار
اوغلو اؤلن آنا سيلمز گؤز ياشين
باجيسي قاردان آييرماز باشين
بير ايگيت كي الدن وئرسين قارداشين
بئلي سينار ناله چكر ها يانار
كاتيب سئور اولوسونو ائليني
تك ليك لال ائلييب دئيه ن ديليني
اوغول دردي بوكر آتا بئليني
قارداش اودو شعله چكر ها يانار
