اي وطــن تورپــاغي، آمـــــانات ســـاخلا
بيز سنه تاپشــيرديق دده كاتيبــي
اؤزقوينــــوناباســيب چوخ راحات سـاخلا
وطــنه تاپشــيرديق دده كــــاتيبـي
قـــــــورآن اللـــرده يـــدي اوزلــر آللاهــــا
سينه لر دولمــوشدو كـدره، آهـــــا
امداديـــــنا چــــــــاتار حضرت طــــــاهـــا
ياسينه تاپشـيرديق دده كـاتيبـــي
گـــلن چاغـــيريردي بــير تك آللاهــــــي
سسله ييردي محمدرسول اللهي
باغيشـــلانار هاچان اولســـا گــــوناهي
آمينـــــه تاپشيرديق دده كــاتيبـي
وفـــــاتـين ائشــــيدن اوركـــدن يانـــــيب
سؤزلرين ائشيدن اؤيودور سانيـــب
آفــــرين-مرحـــــبا سســـــي قووزانـــيب
تحسينه تاپشيرديق دده كــاتيـبـي
ايكي گــــون كئچميشدي بايرام آييندان
بـير ائــل محروم اولدو دده پايينـدان
سكسن يئدينجي ايل گونش ساييندان
حـققينه تاپشيرديق دده كــــاتيبي
بهرام اسدي(اورمو شاعيري)
قولونجو2/12/87
گؤنده ر
بؤلوم لر:
دده كاتيب
حي صنم
جنون اولدوم سن ديلبرين يـــولـــــوندا
اوزو گــــونش قاره قاشـــلار خـــي صنم
مجنون كــــــيمي دولانيرام داغـــــلاري
مست اولموشام ها چــاغيرام هي صنم
حوسنون مني عشقه سالدي دريندن
چــــــوخ ارنـــــلر پايين آلــــدي درينــــــدن
من قــولـونام، قولـــــون قــووما دريندن
ال مـــــنيمـــدي اتــك ســنــين، اي صنم
من عاشـــقم عشـــق اودونــا مايلم
آزغــين ســئل تك چـــؤلدن چؤله ياييلام
سن ســرور سن من بير گدا سايلم
يــوخســولونان وارلي اولــملز جي صنم
ديلــــــين آب حـيـات درده چــاره دي
كــــيپريگــين اوخ ووروب بــاغريم ياره دي
من كــاتيبام مــنيم دونــوم قاره دي
آل اوسـتوندن سن ياشــيلي گئي صنم
گؤنده ر
بؤلوم لر:
دده كاتيب
يازار
قادرآللاهين قلمي عالمه فرمان يازار
آي گونشه هم فلكه بير عجايب دؤوران يازار
لا شريكدي قدرتي ايله ياراديبدي هر نه وار
گؤز گؤرمه ين بير خانه ده بوش سودان اينسان يازار
انا اعطينا سوره سي شاد ائتدي پيغمبري
يوز ييرمي دؤرد مين ايچينده دوغرولوغون سروري
ديليم اوخور سينه م يازار من نئليرم دفتري
قضا قدر اؤز الينده ايسترسه هر آن يازار
لافتي الا علي حيدردي شاهيم منيم
آزمارام يولدان كيناره دوغرودور راهيم منيم
اگر كي من تقصير كارام چوخدور گوناهيم منيم
لوطف ائيله سه دفترينده بير عفو رحمان يازار
الست گونو بلا دئييب جام ايمان ايچميشم
بئش عالمي طي ائتميشم آلتي اركان سئچميشم
دده كاتيب يار يولوندا بيللاه جاندان كئچميشم
عاشيق معشوقون يولوندا جانيني قوربان يازار
گؤنده ر
بؤلوم لر:
دده كاتيب
فرياده گل
بــــوغيــفلتدن آيــيلميرام اي خــــــدا فــــــــــــــــرياده گل
يـالقيز قالميشـام ظــــولمتده غــــــــوغاده فـــــرياده گـل
اول آدم خلـــق اولاندا يــــاراندي جـــــــــومله گـــــــوناه
بيــر لوطــفودن عفو اولــونار مين خــــطا فــــــــــرياده گل
اوخــــوموشــــام دؤرد كيتــــــــابي بيلميــــرم لــــيل نــهار
بيلمه ديم عؤمروم قدريني كئچدي فورصـــــــت گئتدي كار
كـــــــــل شي هالــــــــــــــك غير از خـــدا كــــــيمدي وار؟
كـــــــفر ايـــسلاما غـــالب اولــدو مدد، اولــدوق تــــارو مار
مــصطـــــــفي دئــدي شــــــانينده لافــــــتي فــــرياده گل
ســونا واردي دفــتريميز شــــيمدي باخين دولـــــدو جــــام
مــوقدرين حـــــؤكــــمونه باخ ايشلر قالـــــدي ناتــــــــــمام
عـجب يولــــون يولچوسويوق فرق ائيله مز خــــاص و عـــام
الـــف الله ب بـشـــــــردن واي آلانـــــــــــــدا ايــنتيقـــــــــام
مـــــــــــــيم محمـمد كان رحــمت سيدا فـــــــــــــرياده گل
صــور چالــــــــيندي اويما غافيل وار حققـــين محضـــــرينه
كـــيم بيلير كـــيمين حالــــــيني هر كــس آغلا ر نفسينه
شـــــاه گدا مــــونتظيردي بير عــــــــــدالت حـــؤكــــمـــونه
كــــــاتيب آديــــــــــن ثبت اولـــــوندو عــاصي لـــــر دفترينه
اي اوخــــونان دؤرد كــــــــيتابا مـــــــــوصطفي فـــرياده گل
گؤنده ر
بؤلوم لر:
دده كاتيب
ابــــجد حســــابيندان دم ووران اوستاد
بئش ايسميدن سوراجايام سـونو دورد
بـــــيرينجي سي تــك آللاهين آدي دير
بـــيري بيردير بيري سگگيز سونو دورد
حق عاشــــقي مرد ميداندان قاچيلماز
عيلم اولمــــاسا دوگون تئز تئز آچيلمـاز
ايكـــينجيسي بيردي ايكي اوچ اولــماز
آلتي ايلــه بير بيري سگگيز سونو دورد
حــققين آدي ديــلده جــــاري مـــــورتب
كــــيبر ائيله مه اول شكسته مـــــــودب
اوچـــونجوسو دورد حرفـيدن مـــــــوركب
سگــيز و قيرخ بــيري اوندو ســـونو دورد
منم دئــــيه ن لرين ســــونلاري هئچ دي
شــيطان كيبر ائيله دي قوولدو قاچــــدي
دوردونجو دوردحروف نقطه سي هئچدي
قـــــيرخ ايله اوچ بيري اون دو سونو دورد
دده كـــاتيب آلــچاق اوچــــان اوجـــــــالار
چــــوخ يئهين آت قــووان دوشــر قوجـالار
بــــئـشينجي سي بــاطل لردن بــــاج آلار
ايكـي قيرخ دي بيري سـگگيز ســونودورد
گؤنده ر
بؤلوم لر:
دده كاتيب
مغرور اولما
اينسان اوغلو مغرور اولما حالا حالدا گــــئده جك
چين چين اولاجاك صورتين خط خالـدا گـئده جك
زامان چرخي پوزدوراجاق دال بوداغين سـولاجاق
دوز قامتين بـوكـوله جك بو جمال دا گـــــئد ه جك
اؤزون چالما داغا داشا ايشينده توت بير حيساب
روزي بؤلن روزي بؤلوب حددســـيز ائتمه شـيتاب
بوتون دونيا سـنين اولـــسا سون يئرين زير تــراب
حساب سنين مال واريثين خام خـيالدا گئده جك
قارون كــيمي مال ييـغاسان يل دسـتان اولاسـان
يا درويش گوشــه نشـــين يادا ســـولطان اولاسان
يا بــير آجـــي ديلـــين اولا يادا غــزلخوان اولاسان
كســـيله جل نــطـق بــيان لب بال دا گــــئده جك
دده كاتيب خان اولاسان خلقه فرمان دئــيه سن
بـــير ياوان چوره گـــين اولا يادا بــــيريان يــيه سن
يا بــير ييرتيق دونــــون اولا يادا الوان گــــئيه سن
سؤكوله جك تيكمه لرين تيرمه شــال دا گئده جك
گؤنده ر
بؤلوم لر:
دده كاتيب
قادر الله گؤر نه گونه قالميشيق
باغچا بيزيمكي دير گول بيزيم دئييل
سن بؤلن بؤلگولر قابول اولمادي
پتك بيزمكي دير بال بيزيم دئييل
باهار چاغي گؤي گئييلر صحرالار
ذوقا گليب دالغا وورار دريالار
ياغمور ياغار ياشيللانار يايلالار
يايلا بيزيمكي دير ائل بيزيم دئييل
قؤيونو چالديلار خائيين چوبانلار
خارايولداش اولدو ناشي باغبانلار
اود توتوب معدنلر ،آليشدي كانلار
معدن بيزيمكي دير لعل بيزيم دئييل
نه توفاندير نه قاوقادير نه دومان
آتش آليب خرمن يانير يان ها يان
دده كاتيب ديلين ساخلا دور دايان
اوره ك بيزيمكي دير ديل بيزيم دئييل
گؤنده ر
بؤلوم لر:
دده كاتيب
شـو دونـيا بنزييـور بيـــر ميحـــــانه يه
هر گلـن آييقلار سر حوش گــئــديور
بئش گون اگلنجه بئش گون چيله ده
ان سونو حاسراتا دوشموش گئديور
حريص لر دونيــادا قالاجــــاق سانـدي
گنجيليك آتين بينيپ چاپدي دولاندي
سون نفس اويكــودان آييليپ كانـدي
حايات لامبالاري سـؤنموش گئديـــور
بيـنـــــالار ياپـــدي كـــاتلاري يئـــتدي
فـــيدانلار اكــديردي يــئمه دن بيتدي
حاققا جان وئرمه نين زاماني يئتـدي
بوتون ياپديغينا كـــــوسموش گئـديور
كــــاتيب حــاققا گووه ن تانـريا ايـنان
دونيايي سئـمز گـــرچك بير ايـنـسان
ايستر ادنا اولسون ايستر قاهرامــان
سيــرادا مكـــتوبون آلـميش گــــئـديور
گؤنده ر
بؤلوم لر:
دده كاتيب
توكل الله چولـونده فعليــمي قيسـاتميشـــام
قضـاقدر قارشيسيندا قولــــومو قيساتميشـــــام
حقه واصل اولماق ااوچون چوخ توسل يولو وار
توحيدي قيبــله ائتميشم يـــولومو قيساتميشـام
آغاج تمكــين ائتــــمز من اونـــــا دايانمــــــارام
استدلالـــيم بيرديرمنيم آيــــري دليل قانـمـــــارام
ربـبيمه بـــلي دئميشـم دئديگيمي دانمـــــارام
هر سوز ايله اوينامـارام رولــــــومو قيساتميشــام
اعدادي بيردن باشلاساق سوناچان وارمالييـــق
اوردادوروب معكوس سايساقبيزبيرده دوررماليـيق
عقل علمين يولو محدود بيز تورموز وورمالييــق
هر نه يه ال اوزاتمارام الــيـــمي قيساتميشــــــام
دده كاتيب قيسادانيش قيساسؤزده وارحيكمت
اوززون سؤزدو فلسفه ده معلول اولماز بي عــيلت
تسلسلا چكسك اگر چاتار نخستيــن عيلـلت
اورادا دورماق لازيمدير ديــليـمي قيساتميشـــــام
گؤنده ر
بؤلوم لر:
دده كاتيب
بـــاهارچـــاغي يــــاز آيلاري گـــلنده
غونچه لر باش وئريب بوداغي گـؤزلر
يار باخيشين بير اوخ ووردو سينه مه
قاشين كمان قوروب بو داغي گؤزلر
يار يــولوندا شــوكت اولار شــان اولار
يار يولوندا يوز مين قـوربان جان اولار
بولبول خــار الينده باغري قــان اولار
اوخـور چه چه وورار بو داغي گــؤزلر
شـيدا بولبول اوخـــور قــونار گوللره
گــؤز ياشـــلاري آخار دؤنــر سئللره
جييران صحرالارا ســـونا گـــــــؤللره
كهليك قاققا ووروب بــوداغي گـؤزلر
ســحر يئلي صــفا وئــــرير نفــــسه
قــــومرولار اوخــــور وئرير سس سه
دده كــاتيب گــئنه گـــلدي هوسه
ليلاسيز مجنون تك بـوداغي گؤزلر
گؤنده ر
بؤلوم لر:
دده كاتيب