سن ده گول
ده لي كؤنول
چوخ ائيله مه آه و زار
ياز آچيليب گوللر گولور سن ده گول
صبح آچيلدي ظلمت اولودو تار و مار
سولار جوشوب سئللر گولور سن ده گول
بنؤوشه باش وئريب بوياندي لاله
ساقي لر الينده گزير پياله
رقيب لر گؤرونجه دوشدو خياله
جهان شاددير ائل لر گولور سن ده گول
سرو سايه ساليب قمر اولدو شق
عندليب ديل آچيب اوخور هوالحق
مشاطه لر نوردان چكيبدير بيدق
مشاطه گول،تئل لر گولور سن ده گول
دوستون باغچاسيندا بولبول غزلخوان
ارغنون عرشده اوخويور سبحان
كاتيب غصه لنمه الحكم قرآن
حقي دئيه ن ديل لر گولور سن ده گول
