بئله كي سن ساليسان چئن له دومانليق باهاليق
رحم ائت آنجاق كي يامان بير گونه قالليق باهاليق
گون به گون قالخيسان هئچ يئنميسن ها! بير آشاغي
يئنسن هر ماهني دئسن بيز سنه چالليق باهاليق
ايستي سن فتح ائده سن ،سن «اورست»قولله سيني؟
سن اوچون هر نه دئسن يئن يئره آلليق باهاليق
بئله سورعت گوتوروب اولمويا تورموز قيراسان!
يوخسا يوخ دنده سنين!سالما طوفانليق باهاليق!
بيزده يوخ تاب و توان رحم ائله بير آزجا دايان
سوفره ميز بوشدور اينان يوخدو دامازليق باهاليق
بوكولوبدور بئليميز آخ! زارا گلديك سن ايله
لاپ قوجاتدين بيزي آي داد! جاوانليق !باهاليق
بير عومور بيز سنه بو عمري اوتوزدوق باهاليق
اوتوزان عمري مگر بيرده قازانليق؟ باهاليق
نه قه در وئرسه له «يارانه» يئنه قد وئرمز
آخي هر «فاز»دا سالير شهره قارانليق باهاليق
آمان آللاه ! بيزي قورتار بو هيولانين اليندن
داها هئچ ميللته گوسترمه يامانليق، باهاليق!
مجيد جعفرزاده كسياني(بي نام)
گؤنده ر
بؤلوم لر:
شعر آذري
بو سئوگيدن سن قورخورسان، عيبي يوخ
من سئوه‌رم ايكيميزين يئرينه
بو عشق اوچون بير گون دارا چكسه‌لر،
من گئده‌رم ايكيميزين يئرينه.
مين عذابدير سنسيز گئچن هر گونوم
اونوتموشام ياخشي يامان فرقيني
بو سئوگي‌نين داغ اريدن درديني،
من چكه‌رم ايكيميزين يئرينه.
گول دئييرم، گول قلبينه دگيرم
من سنين‌چون تانري يازان شعرم
دوداقلارين اينجيمه‌سين دئييرم،
من اؤپه‌رم ايكيميزين يئرينه.
طالعيمده سون آچيلان گولومسن،
سوزوب قارا گؤزلريني،گولومسه!
بو سئوگي‌نين سونو اگر اؤلومسه،
من اؤله‌رم ايكيميزين يئرينه
نصرت كسمنلي
گؤنده ر
بؤلوم لر:
شعر آذري
گوز ياشيملان قاريشيب كونلومون آهي بو گئجه
كونول آهيمله چاغيريديم من الهي بو گئجه
گوزياشيم هي آخيري بنزير آخان چاياكي بيلمم ديسن
آخار اولماقدا كئچيب بلكه ده چايي بو گئجه
يوخدو گويلرده ده اولدوز سپه نورين بو يئره
نه گليبدير گويه بيلمم هاني آيي بو گئجه
اودلو عشقيله يانان خسته ديل عاشق كپنك
آختارير آما تاپامير اودا شمعي بو گئجه
زحمتيلن قانادين هي ويريري بير بيرينه
تا يئته مطلوبا گويا گوره ياري بو گئجه
بير قارانليق گئجهدير هي اوزانير تا يئته صبحه
چاتابيلمير ديسن هئچ يوخوموش آرديجا صبحي بو گئجه
عمرومو شاختا بورودو هر گوني بير قيشا بنزير
بو قيشين يوخمي سونو؟بس هاني يايي بو گئجه؟
من كي "سئودا" گولوني سولماز او گول فرض الييرديم
درديلن ايستيري سولسون اودا ايندي بو گئجه
يوخ يوخ سولا بيلمزكي من اوت ايچرهده يانسام
اوميديم اونا ورميش حاياتي بو گئجه
گؤنده ر
بؤلوم لر:
شعر آذري
Dilbəra, mən səndən ayrı təndə canı
neylərəm?
Mülkü malı, təxti tacı, xanımanı neylərəm?
İstərəm vəsli
cəmalın ta qılam dərdə dəva
Mən sənin bimarınam, özgə dəvanı
neylərəm?
Ey müsəlmanlar, bilin ki yar ilə xoşdur cəhan
Çünkü
yardan ayrı düşdüm, bu cəhanı neylərəm?
Çox dualar qılmışam mən xaliqin
dərgahına
Çün muradım hasil olmaz, mən duanı neylərəm?
Dilbər
aydır, ey Nəsimi, sabir ol, qılma fəğan
Mən bu gün səbr eyləsəm, danla
fəğanı neylərəm?
گؤنده ر
بؤلوم لر:
شعر آذري