باش سوما = صومعه عليا
آشاغي سوما = صومعه سفلي
سيئوان = سگبان
كئچي قيران = بزكش
بين گول = هزار بركه
موتالليق = متعلق
جووه ت = جوبند
كوشك ساراي = كشك سراي
پشتو = پشتاب
پينه شالوار = شاد آباد
گون دوغان = كندوان
ميو = مياب
خوجا-موجا = خواجه مرجان
اورميه = رضائيه
سالماس = شاهپور
سولدوز = نقده
قول قاسيم = گل قاسم
توفارقان = آذرشهر-دهخوارگان
گؤنده ر
بؤلوم لر:
آذربايجان
اورمونون وارليقي گوزل پارلانير
ئولكه لر ايچينده گوزل آدلانير
بولاق لار
قاينايير ذيروه لرين نن
بوزقير لار اميشير ذيروه دوشون نن
آخيم لار وارليقي
وارليق ساخلادير
وارليقين قالماقي كولتور يارادير
سويداشلار اورمودا بيليم
قالادير
بيليم لر يولوينان حققي توختادير
فطري پاي سويلارين حققي اولوب
دي
بو حققي سويلارا تانري دئيب دي
بو حققي بيلن لر كرامت بيلير
بو حقدن
گئچن لر آلچاق ليق دئيير
آلچاق ليق انسانا ياراشيق وئرمز
آلچاقليق چوخوردان
آرتيق بيلديرمز
چوخورلار واريندا مارال لار گزمز
اورمونون مارالي ذيروه دن
دوشمز
اورمونون مارالي دوشرگه دئيير
ذيروه ده دوشرگه وارين بيلديرير
كرامت
ذيروه سين تانري وئريب دي
وارليق لار مارالي اوني دئيب دي
وار ليقين وئر مئين
ذيروه ني وئرمز
آنا ديل وارليقين اوزون نن سيلمز
وارليقين بيلمئين ذيروه ني
بيلمز
پالچيق دان بير آرتيق آييري زاد گورمز
گؤنده ر
بؤلوم لر:
اورميه
اوجا داغلارين دره سي
كهليكلرين
ناز فره سي
ايكي گوزلرين قره سي
سنه قوربان اوزيم وطن.
باغچالارين باري منم
هئيوالاري ناري منم
تؤخؤچؤلار داري منم
سنه قوربان اوزيم وطن.
سارا كيمين كلين لريم
ائيواز قاچاق نبي لريم
كوروغلولار نبي لريم
سنه قوربان اوزيم وطن.
موغان ائلين خان چوباني
ياش گوزلرين قيزيل قاني
علي كيشي قيرات هاني؟
سنه قوربان اوزيم وطن
گؤنده ر
بؤلوم لر:
شعر آذري
داغلار، داغلار - آي داغلار
اوره گيمي آهلار داغلار
قريب يرده من اؤلسم !
گوزله ريمي كيمسه باغلار؟
*****
بالتا چاپان باغلار آغلا ر
قره آغلار – آغلار آغلار
دئيم نه للر چكميش باشيم
چايلار آخماز – داغلار آغلار .
*****
باغليبلار دارا مني
اولدورر بويارا مني
دئيم مئنيم درديم ندي !
آپاريسان هارا مني؟
گؤنده ر
بؤلوم لر:
باياتيلار
وطنه دوغرو
قادر آللاه هر نه آخير نفسده
اوزونو دؤندرر وطنه دوغرو
بولبول چهچه وورار باغلي قفسده
اوزونو دؤندرر وطنه دوغرو
حسرت عاشق دردي- دلين آچاندا
آزغين مارال داغدان داغا قاچاندا
كؤچمن قوشلار قاناد چاليب اوچاندا
اوزونو دؤندرر وطنه دوغرو
يئرلي قارغا قاريلداييب گولنده
غريب ترلان باغرين باشين بؤلنده
غريب شاهلار تخت اوستونده اؤلنده
اوزونو دوندرر وطنه دوغرو
دده كاتيب عؤمرون گونو باتاندا
قوهوم- قارداش، ائل داشيمي آتاندا
غريب آسلان ياتاغيندا ياتاندا
اوزونو دوندرر وطنه دوغرو
گؤنده ر
بؤلوم لر:
دده كاتيب
يالان دونيا
چوخ اويونلار سنه يارار
يالان دؤنيا دئييل ميسن؟
دون بوْشاليب بو گؤن تكرار
دوْلان دؤنيا دئييل ميسن؟
دَيير مانسان اينسانلارا
قييارسان دادلي جانلارا
اجل بومباسين خانلارا
چالان دونيا دئييل ميسن؟
آتش اوجاغين قوراندا
آجيق تكمه سين ووراندا
قهرمانلاري يوراندا
گولن دونيا دئييل ميسن؟
دده كاتيبين سسينه
چولقالادين غم سيسينه
سوندا اؤلوم قفسينه
سالان دونيا دئييلميسن؟
گؤنده ر
بؤلوم لر:
دده كاتيب
منه نئيلر؟
حيكمت عالميندن دؤرد سؤز اؤيرنديم
آرتيق درده دَيمز سؤز منه نئيلر؟
بيردن باشلاميشام بيرده دورموشام
يئتميش، سكسن، دوقسان، يوز منه نئيلر؟
حياتدا چارپاشيق يوللار كئچميشم
اوّل آختارميشام اوّل سئچميشم
عشقين آتشينه يانيب پيشميشم
اود اودو يانديرماز كؤز منه نئيلر؟
باطيل بئش گؤن اوينار دوشر اثردن
حقيقت شمشيري دؤشمز كسردن
يارادان سالماسين مني نظردن
قوْي باخسين بد نظرگؤز منه نئيلر؟
دده كاتيب الهام آلار اوزاقدان
يولداش اولمام من قورخارام قورخاقدان
درباري لر قورخار توزدان، تورپاقدان
اكينچي اوغلويام توز منه نئيلر؟
گؤنده ر
بؤلوم لر:
دده كاتيب
خبرين وارمي؟
گئجه-گوندوز خلقه ايراد ائد نلر
هئچ اؤزون اؤزوندن خبرين وارمي؟
قونشونون گؤزونده قيلي گؤرنلر
بير باخ اؤز گؤزوندن خبرين وارمي؟
مؤمون قارداش هئچ بيليرسن نئديرسن؟
ايشين بودور خالقين عيبين گودورسن
بئش قدمده دؤردون اَيري گئديرسن
بير دؤن باخ ايزيندن خبرين وارمي؟
حرام مالدان فاخير ليباس گئييرسن
آغيز سيلمك نه دير؟! موردار يئييرسن
آشيغين سازينا حرام دئييرسن
اؤز ساختا سازيندان خبرين وارمي؟
دده كاتيب سن ده بير بيل حسابين
دوز عملين آزدير چوخدور خرابين
قورخ او گوندن اوخوناجاق كيتابين
دئدييين سؤزوندن خبرين وارمي؟
گؤنده ر
بؤلوم لر:
دده كاتيب