آذري 3-جو سايي (ائل ديلي و ادبياتي درگيسي 10-جو سايي) 1382-جي ايل
قوْناق نـئچه گون قالاندان سوْنرا ائو ييـيهسي گورور كي, قوْناق بو تـئـزليكلرده گئدهسي دئـييل, باشلايـير نننيدهكي اوشاغـينا لايلا چالماغا:
لايلاي, لايلاي فيروزه
قوْناق «يـئك روز, دو روزه»
قوْناق دئـيير: يوْخ خانـيم, سن باشارمادين قوْي من لايلا چالـيم:
لايلاي, لايلاي رخساره
قوْناق «يـئكسال, دو ساله»
گؤنده ر
بؤلوم لر:
آذري
آذري 3-جو سايي (ائل ديلي و ادبياتي درگيسي 10-جو سايي) 1382-جي ايل
گلين قايـين آناني اينجيدير, قايـين آنا كوسور, گئدير قـيزي ائوينه. قيز, آش پيشيرير, كاسانـين ايچينه داشي دوْلدورور, اوستوندن آش تؤكور, قوْيور آناسي‌نـين قاباغينا. ننه بير قاشيق وورور, ايكينجيني ووراندا داش اوزه چيخير. دئيير:
- آلتي داش, اوستو آش, يئنه‌ده گلين ياخشي‌دي.
دورور گلير ائوينه.
گؤنده ر
بؤلوم لر:
آذري
ائل ديلي و ادبياتي درگيسي 9-جي سايي 1382-جي ايل
آندلار 1381-جي ايلده آبتام امكداشليغي ايله خويدان توپلانميشدير.
- قورآن منه قنيم اوْلسون.
- قربليكده قالان قارداشيمين آدي حاققي.
- قريب اولن قارداشيمين قبري حاققي.
- ددهمين گوْرو حاققي.
- ديليم قوروسون.
- ديليم قوروسون، ديليم يانسين، ديليم چوروسون.
- دوْغان گونشه آند اوْلسون.
- دوْستلوغوموزا آند اوْلسون.
- دوْستلوق سالامي حاققي،
- دوْستلوق حاققي
- دوز حاققي.
گؤنده ر
بؤلوم لر:
آذري