آذري 7 -جي سايي (ائل ديلي و ادبياتي درگيسي 14-جو سايي) 1384-جي ايل
- آلچاق دام دان قار ياغار (الك و اون)
- ائويميزده بير كيشي وار، كونده‌لن ياتـيشي وار. (فارماش)
- ائويميزده بير كيشي وار، ننه‌م ايله ايشي وار. (سوپورگه)
- اوْيان قالا محمد، بويان قالا محمد، ياش ياپيرام، قورو چكيرم، صل-ي علي محمد. (تندير ايله چؤره‌ك)
- بو بوْيدانا بوْيو وار. ائو دوْلوسو توْيو وار. (چيراق)
- بو بوْيدانا بوْيو وار، قـيرميزيدان دوْنو وار. (اييده)
- بير چووال اونوم وار، ايچينده وردنه. (اييده)
- بيز ايديك، بيزلر ايديك. اوْتوز ايكي قـيزلار ايديك. هئي ازيلديك، بوزولدوك، بير تاخچايا دوزولدوك. (اوْتوز ايكي ديش)
- پيشيييم پيشيييم اوْيونباز، ايكي سئرچه‌دي اوْيونباز. بيري گيرير دلييه، موْللا بونا پيتيك ياز. (قـيفيل)
- چاتي سو ايچر، دانا شيشه‌ر. (قاباق، بوْراني)
- چؤلده بيتر چؤر- چؤپ، ايكي سئرچه‌نين گؤزو دؤرد. (هر بيريسي اؤزونون آچماسي‌دير. دئمه‌لي بورادا تاپيلاجاق بير شئي يوْخ)
- چيل آتـيم، چيل- چيل آتـيم، چيلينله‌سه كيم بيلر. يئددي حيصار ايچينده، قولونلاسا كيم بيلر. (بالـيق) (چيلينله‌مه و قولونلاما هر ايكيسي مال- حئيوانـين دوْغماسينا آييد فئعلدير)
- داغدان گلير آلاي خانـيم، ال‌لري خينالي خانـيم. (ككليك)
- دام اوسته ساري كؤپك. (قاباق، بوْراني)
- دام دام اوسته، تؤيله دام اوسته. بيزيم ايلديريم، سيزين دام اوسته. (توستو)
- دده‌م ائوينده قـيز ايديم، هادي منيم قارنـيمدايدي. الي يوْخ، آياغي يوْخ، بودو منيم قارنـيمدايدي. (مكه)
- دؤرد گلينيم وار، دؤردو ده بير بوْيدا. (اوْتاغين بوجاقلاري)
- دوه‌دن دوشدو توْخماق، اوْنو تاپمايان آخماق. (دوهنين پوْ...و)
- زيل زيليم، زينجير كيليم، آغيردير سيلكه بيلميرم. (گؤي)
- قارا توْيوق چؤكدو يئره، باغيرساغين تؤكدو يئره. (قارا قازان و اوْجاقداكي اوْدونلار)
- قاري باشيندا تولا ياتار (قـيفيل)
- قاري داليندا چيل- چيل دوْوشان. (سوپورگه)
- كاغيزينا هاي كاغيزينا، خوب ياراشير آغزينا، هر كس اوْنو تاپماسا، دليك دده‌سينين آغزينا. (سيغار)
- گئجه‌ده گئدر، گوندوز ده گئدر، يئرينده‌كي يئرينده. (دييرمان)
- گوده كوْرامال، كوْلدان باخار. (خييار)
- گؤيدن يئره ساللانار، هر نه وئرسن آللانار. (ياغيش، اوشاق)
- هاپ- هاپي، قـيزيل كوپو، دؤوران دؤنر، چيچك سپر (تندير ايله لاواش)
- هاپ- هاپي كركي ساپي، بئش بوداغي، بير يارپاغي (ال)
- هادي آباني، گؤر اوْباني، آلتي آياغي، ايكي داباني. (تره‌زي)
- هونو- هونو كهر آت، هونوسو گؤزه‌ل كهر آت. آياغيندا قـيل سيجيم، دويونو گؤزه‌ل كهر آت. (بال آري‌سي)
- يئر آلتدا چوللو قوْدوق. (اؤلو)
- يئر آلتدان اوْخلوْو گئدر. (ايلان)
گؤنده ر
بؤلوم لر:
آذري