صيفيردي هر يئره ولوله سالان !

نه ياتميسان داها اويان آقارداش !!

ايندي كي دونياميز يولدو ـ يولدو دور

بيزده اولاق صيفير يولان آقارداش !!!

***

سن بيلميرسن صيفير نه ائديب بيزه !!

قنيم اولوب بوتون اوغلانا قيزا

اونداندي قالميشيق بيز حسرت يازا !!

اوندان دوشن اولوب بالان آقارداش

صيفيردندي بوردا ايشسيز چوخاليب!!!

پاييز يارپاغي تك گوللر ساراليب

صيفير پولوموزو دَيردن ساليب !!!

آغالار سؤزونه اينان آقارداش

صيفيردي دونياني پيس گونه قويان !!

صيفيردي ائللري اؤلمه ميش سويان

صفيردي دونيادا تاپيلمير دويان!!

صيفيردندي يئرده تالان آقارداش !!!

صيفيردندي قيزيل مينيبدير آتا !!

صيفير قويمور يوخسول بؤيره يين ساتا

صيفيردندي يانكي گيريب هراتا !!

اوردا اولوب قولاق بوران آقارداش

اينانكي باهليق صيفيردن دوغور !!!

صيفيردي ياپيشير يوخسولو بوغور

آريغي چالاندان اولوبدور بوغور

ايندي گولور سنين بويان آقارداش

صيفيردندي بو ايل اولوبدور قوراق

صيفيردندي سؤزه باخمايير اوشاق !!!

دور گل بو صيفيرين قبريني قازاق

صيفري قويلا راحات دولان آقارداش

صيفيرلردي بيزه ائدير اذيت !!

صيفير قالسا موصيبتدير ـ موصيبت !!

صيفري قويما ياشاماغا نهايت

اودور بيزي دالا قويان آقارداش !!!

هر زاد يولا دوشوب صيفيردي قالان ؟!!!

كيم دئسه بو دئييل يالاندي يالان

سوت گؤلونده اوزور دول قالان خالان !!

عئيبي يوخدور اونا ياران آقارداش

صيفيرسيز دونيانين باشقا دادي وار

صيفيرين دونيادا چوخ پيس آدي وار !!

صيفيرسيز تورپاغين هر بير زادي وار!

صيفري اؤتور آلما دالان آقارداش

صيفيرلر اولماسا گوله جك اوزوز !!

باهار تك اولاجاق هر زامان گوزوز !!

اوستون گله جكدير اَيرييه دوزوز ؟!!!

كؤچه­جك كوچه­ز دن فيلان آقارداش

(موزالان) سؤيله­مز قارداشا يالان

دوغما ائلدير اونا دونيادا قالان

ياشاماسين گؤروم گول ائلي چالان

ديريلييي اولسون يالان آقارداش

موزالان

گؤنده ر     بؤلوم لر: شعر آذري