قديمكي هيو
هيودن بيرآز ننه ديلي ياز ميشم غصه لري ايرگ لردن قازميشم
شهري اوزاخ كرتي ياخون همدان خاطره لر دولوبدو بير چمدان
گدنلرن اوزي تمام آق اولسون قالن قوجه جاني تمام ساق اولسون
يازدوم كي ايتمسن نسل قديمي جوانلر ساخلسن ياخچي حريمي
بلكه جوانلر ده قديمدن بيله سينه به سينه سئوزي گلسن ديله
بلكه مبادا به مرور زمان تاريخ هيودن كسه بير گون امان
قديمدن تانوماخ دو كل منظور كد خدا اسدي، عطاني، منصور
كد خدا ممد علي ، كد خدا الياس او دامده چاقورنلر، ايهاالناس
يادي خير او كندن پالچوخ چينه سي مدنچي نن الندكي پينه سي
قجه ننه ، سوزنداني ، اينه سي صاف اورگي ، هچ كيمندن او كينه سي
دار كوچه لر ، دوزولميش او قالاقي فاطمه خاله رحمتليگن چاناقي
كلب عزيزن قديمكي او درماني مال دار لرن شير پنجه او سلماني
يادي خيراو،هيون شيره، غوره سي اشتهاردلي كوزه چينن، دوره سي
قديم مالدارچكنده اودباني دشتبانلر، سوگنده توخ چوپّاني
سنقي كي،شوذب دايي باغلردي دورشومي كي،داوارلري داغلردي
قديم كندن توخولميش او سبدي لحاف كرسي، ججيم لرين،نمدي
يادي خير او،مش جمالون سازلري كلب مروت،گئوده وورن غازلري
قديم رعيت،بوقده لرن پاكاري قربانعلي، رحمتليگن ناكاري
مستعلي و سبزعلي نن داواري زاغه محله، گوزي لرن هاواري
صندوق چايي،حلبي او بندلري سيد عباسون نفتاليني، قندلري
وستا حسن چلنگرن تيشه سي رعيت لرن قازولن او ريشه سي
يادي خير او، خان ميرزانون باغلري سيراب دكي ،مالدارلرن ياغلري
قديم باغدن تيكه پاره قالمه سي ايميدعلي رحمتليگن آلمه سي
ولي اللّه و مش اسدن معدني كلنگ دارون رگه چاتن هردني
صبح سحر، خزينه، دورماقي حامام بوغچه، قولتوخلره، وورماقي
يكه صابون، يونگلي كيسه، ياغله ماخ حامام گوني،اوشاخ تمام، آغله ماخ
يادي خير او،مش محمودون، تركه سي سوادي كي ،اورگنبده،هركسي
جيران بي بي ، تازه چورگ، ياپماقي آموزگارلر، اوني تز ،تاپماقي
معدنچي نن ، ايشله ماقي،پاوارجه زغال ككي ،يوله ماقه ،كرجه
مستان باجي ، الندكي نونه بند چوركندن ييبدلر هامّي كند
حسن قلي ،معدنده او بل كاري هر نه ديين تعريف ليده ، يرواري
حاج رحيم و اسماعيلن درماني طايفه لرون ، شيرخاني و سلماني
صفر نن سلمانون او قوّتي جعفرقلي ،خياط لوخي سرعتي
طالاقانلي جعفر خياط وعده سي ميناوندن هيوه گلن جدّه سي
حسين خياط ،تعريفلي او كوتلري ديمه لي فن ،ساخليين او فوت لري
يادي خير او گرامافون صفحه سي شولوغيدي پنچله نن قهوه سي
خمير كونده ، تاندور آغاجي ، آنبر پنچله و سيراب چايي ، دلنبر
عليار دره واسوار داغي چال دره كوزه پنير ،توت شيره سي ،ياغ كره
قديمكي قش ،آغورقاري ،كوركي مدقاسمون صاف و ساده ايوركي
فوفو چراغ ،كله پاچه قويورماخ محمد رسول ،شناسنامه چاقورماخ
يادي خير او مسجد كي گوروشماخ بيربيرنن حالوندن او سروشماخ
آغشام باشي پنچله نن پاتوقي حاج نيازون ،آب نباتي ،قاتوقي
شيپور جنگ ، تعزيه ده آلوشماخ گوگ كيين و قرمز كيين قاروشماخ
قان آقلماخ ، تعزيه نن آره سي زينبن ٫رقيه نن ٫قاره سي
حارث گلب دو طفلاني قاچوردماخ شمر اوزوني بو ايشنن آقوردماخ
ممد جواد مسجد دكي تركه سي تعزيه ده اوتوردماخ او هركسي
خانعلي نن مركبي ،ليقه سي ممد جان و مدولي نن گيوه سي
خانعلي نن مركبي ، ليقه سي ممد جان و مدولي نن گيوه سي
قديم مكتب ، خانعلي نن سوزلري قيامته آچولميش او گوزلري
تاندور كولي ، چغندرن پيشماقي سيراب چايي ، يايده اونون ايشماقي
يادي خير او كلب عزيزن درماني حاج عباس و كرمن او فرماني
خدامراد ، سيف اللّه نون كلاجي ماشين لري مريض لرن علاجي
هيو ده قديم ال جورابي توخولماخ قرخ ايكي ايل روزنامه جات اوخولماخ
بيرام لرن يومورتنن اوينماخ يومورتنن سنن ده ،او دادلماخ
اوشاخ يومورتني رنگه سالنده بوهيك خوروسلري جنگه سالنده
گئجه باشي شال آتملي باجه سي بيراملوقون چوخوندن تا آزه سي
چهارشنبنن چادرلري ، قاشّوقي پنچله ده اوشاخلرن آشّوقي
بيرام باشي ، پلو عطري قوخوماخ عاشّوخلر او ، كوچه لر ده اوخوماخ
آخور پنجشنبه ، حلوا پايلماخ شلوغ اوشاخلري او هايلماخ
آخور پنجشنبه ائولي لر ، ياد اولماخ شكر پنير ،كن اوشاقي شاد اولماخ
يادي خير او بيرام بالوخ توتماقي سفره دكي نوقول لرن اوتماقي
بيراملوق و قورمه سبزي ،خوروشي خلعتلر و پارچه لرن بوروشي
قوجه ننه ، آق چرقتن ، گوشه سي چفته اوزوم ،آسولميش او خوشه سي
قوجه دده ،نقل لري ،سئوزلري هامي ياندن ،نوه لرن ، گئوزلري .
شعر از : شاعر توانا و محبوب
حسين پيشگاهي زاده
گؤنده ر
بؤلوم لر:
شعر آذري