•آدامسيزلارين دا، آدامي وار.
•آداما سؤزو بير دفعه دئيرلر.
•آدامين قيمتين، آدام بيلر.
•آدام اوتانماسا، اويناماغا نه وار؟
•آدام گرك ايشيق گلن يره بارماق اوزاتسين.
•آدامي ديندير، سونرا قيمت وئر.
•آدامي سؤزوندن توتارلار.
•آدام اؤزوندن تعريف ائله مز.
•آدام واركي ديلي ايله پول تاپار.
•آدامين اؤز امه يي.
•آدامين گرك ديلي ايله اوره گي بير اولسون.
•آدامين ياخشيسي، ايشده بللي اولار.
•آدامين يئره باخاني، سويون، لام آخاني.
•آدام ييخيلا- ييخيلا، اؤرگه شر.
•آدام آدامي بزه مز –آدامي، آد بزه ر.
•آدام دانيشا، دانيشا، اونس تاپار.
•آدام، آدام اتي يئمز.
•آدام آدامين رحماني –آدام آدامين، شيطاني.
•آدامين ياواسي يا طبيل چالار، يا پهلوان اولار.
•آدام واركي آدي واردي اؤزو ، يوخدو.
•آدام، آداما بنزر.
•آدام اؤز جانيني چوخ ايستر.
•آدام اؤز عيبيني، بيلمز.
•آدام يورقانينا گؤره قيچين اوزالدار.
•آدام، بير آجيينده ، بيرده گيجيينده اؤزون ساخلار.
•آدام، بير دفعه آللانار.
•آدام ايكي دفعه دونيايه گلمز.
•آدامين سؤزو بير اولار.
•آدام گرك بارماغين هر دليگه اوزاتماسين.
•آدام وار باشينا تؤكرسن گوللر، آدام وار گؤزونه سوخاسان ، ميللر.
•آدامي تانيماق اولماز.
•آدام قوش كيمي دير –بير گون بوردا، بير گون اوردا.
•آدامي، پولا ساتمازلار!
•آدامين عقلي، باشيندا اولار –ياشيندا اولماز.
•آدام، آدام سايه سينده آدام اولار.
•آدام، آداما گرك دير.
•آدام، الينه بير دفعه داغ باسار!
•آدامي، آدام ائله ين پارادير، پاراسيز آدامين اوزو قارادير.
•آدامي، تانيين يرده قورد يئسين.
•آدامليق پول ايله دگيل كي، بازاردان آلاسان.
آدام مين آجيني، بير شيرين خاطيرينه اودار.
•آدامي ايمان ، آريني، دومان يولا گتيرر.
•آدامدان ائششك اولماسا ، ائششگين بيري يوزمين تومن اولار.
•آدام بيلمير هانسي سازووا ، اويناسين.
•آدمين دينمزيندن قورخ.
•آدامين دوستلوغو دار گونونده بيلينير.
•آدامين اؤز ياوان چؤره گي ، اؤزگه نين پيلوووندان ياخشي دير.
•آدام اؤز تانريسينا ، داش آتماز.
•آدامين مين گؤزه لليگي اولونجا، بير شانسي اولسون.
•آدامدا صفت لازم دي.
•آدام اولماغينا، چوخ قالير.
•آدام اودور ايلقاريننان دؤنمه يه.
•آدام ايسته سه، داغي داغي اؤسته قويار.
•آدام گرك آرخاسيز اولمايا.
•آدام اولمايان يئرده، بير آدام دير.
•آدام اؤز تاي توشيله گزر.
•آدام اؤله نه جه، خام دي.
•آدامي پالتاريله تانيمازلار.
•آدام، سؤزونو، آداما دئير.
•آداما، آدامليق لازيم دي.
•آدام، سؤزونو كيمه دئسين؟
•آدامدا، اينصاف لازم دي.
•آدام غيرت ايشله در، دگيرماني سو.
•آدامي دارا چكمزلر.
•آدامي عمليله تانييارلار.
•آدامي سؤزوندند توتارلار، حئيواني ، بوينوزوندان.
•آدامين، آدامي گرك.
•آدامين، آدي پيسليگه چيخينجا ، جاني چيخسين.
•آدامين اياغيندان چكن چوخ اولار.
•آدامين آخير گونو خوش السون.
•آدامين باشينا هرنه گلسه، ديليندن گلر.
گؤنده ر
بؤلوم لر:
آذري
هرزاد قاييدير 70 ايل بوندان اوله. اوندا كي منيم 20 ياشيم واريدي گول بادامين دا 15. بيلميرم سيزه ايضاح وئريب يا يوخ. گومان ائلميرم يادينا گله. گلسده اوتانار جاوانلارا تعريف ائلسين.
بيز بئش پالچيق دا اولارديق. گول بادام گيل ده اوچ پالچيق دا. ايلك گؤروشو هئچ اوندمارام. گول بادامين 2 ياشي واريدي. قيشين چيلله سينده رحمتليك آناسيله گلميشديلر بولاقدان سو آپارسينلار. اوزون شاختا يانديميشدي. بورنونون دا ليليغي آخميشدي. الينده ده بير شوكولات واريدي كي بورنونون سويينان قاتيب آغزينا قويوردي. من گول بادامي بئله گؤروب اونو بينديم. قايتديم ائوه ننمه دئديم كي من بئله بير قيز سئوميشم. آمما قولاغيمين ديبي قيزدي! نئچه ايللر بو سئوگي اوره‌گيمي كولونگونن قازيردي. من آغاجين داليندان چيخارديم ، گول بادام ملفه ني اؤزوندن گوتوروب منه قاش گؤز آتاردي.( دييرسيز به بو هيندي فيلملر هاردان تاپيلدي؟ دوزدي ، ائله او چاغدان. باخساز شوعله نين آخيرينده ده بيزيم آديميزي يازيب). ائله كي من ايرمي ياشيما دولدوم گول بادامب قاچيتماث ايسته ديم. آمما آتام قويموردي.
- اوتان اوغلان. بيز بئش پالچيقوق اولار اوچ پالچيق. بيزيم كيلاسيميز اولاردان يوخاري دي! بيز سنه شهر قيزي آلاجاييق.
من ايكي اياقيمي ، ايكي اليمي همده داوارلارين قيچيني سوخدوم بير باشماقا كي گول بادامي گرك منه آلاسيز.
او آخشام هئچ ياديمنان چيخماز. گئتميشديم گول باداما گيردكان آتام كي او گئده ني گؤردوم. آرشين مالي گتيرميشدي ساتا. سونرا لار گول بادامي بهانه ائلييب گونده گليردي بيزيم كنده. آدي قنبريدي.
من گؤروردوم ايش ايشدن كئچير. تصميم توتدوم گول بادامي قاچيردام.
ياز گئجه لرين بيريدي. آياقلاريمي دره دره گيرديم گول بادام گيلين ائوينه. الله هئچ كيمه گؤسترمسين. ايتلرين باغلاماميشديلار. ائله او واختدان منيم ديليم بوجور توتولدي دا! آنجاق مين موصيبتينن گول بادامي قاچيتديم. آمما ائوده گؤردوم گول بادامين يئرينه ائوين قوللوغچي سين قاچيتميشام. بيلديم كي مندن قاباق قنبر اوني قاچيرديب. داي قوللوغچي ني دا قايتارماديق ددم آلدي بيلسين! ( ايه دئديز به مشدي عيبادي يا آرشين مالچي ني تعريف ليرم ايشتيباه داسيز. او زامان كپي رايت زاد يوخودو كي. اوزيير قارداش بيزيم ماجراني گؤتوروب تحريف ائلييب او فيلملري دوزلتدي.)
منيم ياشاييشيما بو هيجران دا بير دؤنوم اؤز وئردي. من طويله باشلاديم تاريخ ناديري ني تكميل ايله‌ماقا. نئچه ايل كتده قالاندان سونرا ددمين يئرلرين ساتديم و تيلياردر اولدوم و هابئله اششك لري ساتيب باهالي ماشين لار آلديم. نئچه ايل سورا كؤچدوم اينگيليستانا. ايكي آي قاباق دا كي اينترمت ده گزيرديم گؤزوم دوشدي سيزين سايتا و گول بادامين آدين گؤردوم. چوخ سئوينديم آخي فيكر ائليرديم گول بادام اؤلوب. منيم ايندي چوخ پولوم وار. گول باداما دئيين ايه يئنه مني سئوير من حاضيرم او منيم 16اينجي آرواديم اولسون.
گؤنده ر
بؤلوم لر:
آذري
قاشلارين اوخدي سنين،عاشقين چوخدي سنين، من سني چوخ
سئويرم خبرين يوخدي سنين.
اگر من نقاش اولام دونياني زندان چكرم،اولومي-
آيرليقي-حسرتي پشمان چكرم، اگر من صياد اولام ، سن كيمين جيران اودونا ، اوره گي
پاره اديب عشقيوه هيجران چكرم.
شمع اگر يانماسا پروانه دولانماز باشينا / نينسين پروانه عاشيقدي شمعين گوز ياشينا
دونيادا ۳ شي چوخ ايسترم . داغدا داشي .گوزده ياشي . سن
كيمين ناز يولداشي….
اي گول سني دنيايه مقابل توتارام,دنيا منيم اولسا سنه خاطر ساتارام
اولموش گوزليم ماه رخون ايه برابر مستانه گوزون نر گس شهلايه برابر دنياني من ورسله سنسيز نيه لازيم هربير باخيشين هر ايكي دنيايه
گزليم گزلريم رحم ايله اغلاتما مني عشقيمين قدريني بيل
ايريسينا ساتما مني من سن جان دميشم باقريمي گان ايلميشم بو قريبانلرين محملين
ساتما مني
ايستيرم گوزلروين نقشيني تصويره چكم/نيلييم سنسيزعزيزيم گنه دنياداتكم/ سن منيم نازلي گولومسن گوزليم دردين آليم/اوزون انصاف اله سنسيزنجه دنياده قاليم.
بيچاره گوزوم هر گجه سنسيز باخار آغلار /صبحه كمين اولدوزلاري بير بير سايار آغلار /سن آيرليقي خوشلادون آما گجه گوندوز دفترده قلم شرح فراقون يازار آقلار
گؤنده ر
بؤلوم لر:
آذري