قادر الله گؤر نه گونه قالميشيق
باغچا بيزيمكي دير گول بيزيم دئييل
سن بؤلن بؤلگولر قابول اولمادي
پتك بيزمكي دير بال بيزيم دئييل
باهار چاغي گؤي گئييلر صحرالار
ذوقا گليب دالغا وورار دريالار
ياغمور ياغار ياشيللانار يايلالار
يايلا بيزيمكي دير ائل بيزيم دئييل
قؤيونو چالديلار خائيين چوبانلار
خارايولداش اولدو ناشي باغبانلار
اود توتوب معدنلر ،آليشدي كانلار
معدن بيزيمكي دير لعل بيزيم دئييل
نه توفاندير نه قاوقادير نه دومان
آتش آليب خرمن يانير يان ها يان
دده كاتيب ديلين ساخلا دور دايان
اوره ك بيزيمكي دير ديل بيزيم دئييل
گؤنده ر
بؤلوم لر:
دده كاتيب
شـو دونـيا بنزييـور بيـــر ميحـــــانه يه
هر گلـن آييقلار سر حوش گــئــديور
بئش گون اگلنجه بئش گون چيله ده
ان سونو حاسراتا دوشموش گئديور
حريص لر دونيــادا قالاجــــاق سانـدي
گنجيليك آتين بينيپ چاپدي دولاندي
سون نفس اويكــودان آييليپ كانـدي
حايات لامبالاري سـؤنموش گئديـــور
بيـنـــــالار ياپـــدي كـــاتلاري يئـــتدي
فـــيدانلار اكــديردي يــئمه دن بيتدي
حاققا جان وئرمه نين زاماني يئتـدي
بوتون ياپديغينا كـــــوسموش گئـديور
كــــاتيب حــاققا گووه ن تانـريا ايـنان
دونيايي سئـمز گـــرچك بير ايـنـسان
ايستر ادنا اولسون ايستر قاهرامــان
سيــرادا مكـــتوبون آلـميش گــــئـديور
گؤنده ر
بؤلوم لر:
دده كاتيب
توكل الله چولـونده فعليــمي قيسـاتميشـــام
قضـاقدر قارشيسيندا قولــــومو قيساتميشـــــام
حقه واصل اولماق ااوچون چوخ توسل يولو وار
توحيدي قيبــله ائتميشم يـــولومو قيساتميشـام
آغاج تمكــين ائتــــمز من اونـــــا دايانمــــــارام
استدلالـــيم بيرديرمنيم آيــــري دليل قانـمـــــارام
ربـبيمه بـــلي دئميشـم دئديگيمي دانمـــــارام
هر سوز ايله اوينامـارام رولــــــومو قيساتميشــام
اعدادي بيردن باشلاساق سوناچان وارمالييـــق
اوردادوروب معكوس سايساقبيزبيرده دوررماليـيق
عقل علمين يولو محدود بيز تورموز وورمالييــق
هر نه يه ال اوزاتمارام الــيـــمي قيساتميشــــــام
دده كاتيب قيسادانيش قيساسؤزده وارحيكمت
اوززون سؤزدو فلسفه ده معلول اولماز بي عــيلت
تسلسلا چكسك اگر چاتار نخستيــن عيلـلت
اورادا دورماق لازيمدير ديــليـمي قيساتميشـــــام
گؤنده ر
بؤلوم لر:
دده كاتيب
بـــاهارچـــاغي يــــاز آيلاري گـــلنده
غونچه لر باش وئريب بوداغي گـؤزلر
يار باخيشين بير اوخ ووردو سينه مه
قاشين كمان قوروب بو داغي گؤزلر
يار يــولوندا شــوكت اولار شــان اولار
يار يولوندا يوز مين قـوربان جان اولار
بولبول خــار الينده باغري قــان اولار
اوخـور چه چه وورار بو داغي گــؤزلر
شـيدا بولبول اوخـــور قــونار گوللره
گــؤز ياشـــلاري آخار دؤنــر سئللره
جييران صحرالارا ســـونا گـــــــؤللره
كهليك قاققا ووروب بــوداغي گـؤزلر
ســحر يئلي صــفا وئــــرير نفــــسه
قــــومرولار اوخــــور وئرير سس سه
دده كــاتيب گــئنه گـــلدي هوسه
ليلاسيز مجنون تك بـوداغي گؤزلر
گؤنده ر
بؤلوم لر:
دده كاتيب
دوغرو موسلمان
يـارادانا شــــوكر ائـــدريك دوغـــرو مــــوسـلمان بيزيك
الـست گـــــونو بلا دئـــــديك هم اهــــــل ايـمان بيزيك
تـــورك اوغلويوق تـــورك تــورونو يوردوموزو سئوريك
يـوردوموزون دوستونادوست دوشمانا دوشمان بيزيك
اوغـــوز،بـــابك،كـــوراوغــــلونو خاطـــرلــــردن آتماريق
دده قـــوردقـــود اؤيـــودلــرين هــئچ وقت اونــوتماريق
مــردلــيك ايله ســـاواشـــاريق دالـــــدانـــيب ياتماريق
تولــــكولره باش ايــمه ين بـــــير بـاش اســـــلان بيزيك
بــــوتون دونـــيا تاريــخينده دوشـماندان بــاج آلميشيق
آلــچاقــلارا اييــلمه مــــيش هــــر زامان اوجالميشيق
دوشمانلاربؤيله سـانماسين سارسيليب قوجالميشيق
تــــلاطــــيملي دنـــــيز كــــيبي دالـقالي تــوفان بيزيك
تاريخــلري ورق وورســـان آدلــي سانلي شانـلي ييق
آغـــري داغــين زيروه سي تك هر زمان دومانـلي ييق
آذربــايــجان بــــالاسي ييق ايستي غـــيرت قان لـييق
يئــدي ايــقــليم تانــير بــيزي ديـل لرده داسـتان بيزيك
دده كاتـــيب بــير اوزلــويوك ســـويـــومــوزو دانــماريق
اؤز ســويــونو دانــانـلاري آصـــلا ايـــنسان ســـانماريق
دين ايـــله وطن اوغـــروندا جان وئــرريك اوسانماريق
قورخوبيلمز تورك اوغلويوق بير قيزميش قاپلان بيزيك
گؤنده ر
بؤلوم لر:
دده كاتيب
گؤنده ر
بؤلوم لر:
دده كاتيب
كــــونول الده قــــلم وصــــفي حاليمي
يــــادگار قـــــالماغا يـــازارام بيــــللاه
سينه م مــيدان اولوب غم آل –وئـــرينه
بـــــلالر آلــــــماغا بــــــازارام بيــــللاه
قارقــــانميشام هــــر ميحنته يانام من
قيزيل لاله كيمي بـاغري قـــانـام مـن
يوواسيز قـوشلار تــــك سرگردانام من
بـــو داغــدان او داغــا گـــزره م بيللاه
توخموم شور توپراقدا يانيب كول اولدو
درديم آرتيب گونو گـوندن بول اولــــدو
مجنون كيمي آخير يوردوم چول اولدو
او داغـــــــدان او داغــــا آزارام بــيللاه
دده كــــاتيب يولوم دوشــــدو اوزاغـــا
طوطي تك هم قفس اولموشام زاغا
تپـــــه دن ديـــرناغا بــــاشدان ايـــاغـــا
ديــــلدن تا دوداغـــا آزارام بـــــيــــللاه
گؤنده ر
بؤلوم لر:
دده كاتيب
كيبر ائيله مه
دلي كــونول كـــــيبر ائيله مه حــــليم اول
كــيـــــبره لـعنت ائــــــيلير كــــلامه شـــريف
ســـن الـلاهـــين قـودره تينه تسلـيم اول
گــــويـــلــره اوخ آتــــــما اي عــبد ضــــــعيف
طــــمعـكار ايــنـــــسانين باشي اوجالماز
قـــــناعــت اهلـــينين كـــــونلو قوجــــالــماز
صبــــر ائــدنـــدن هئچ مــوصيبت باجالماز
صـــــبر بـــير كــــيميادير حق ائــديب تعريف
چــــوخ گــولـن كــئچينين اوزو ســــورتولر
ادبــــلي ايـــنـــسانين عـــيـــبي اورتـــــولـر
نامــــرد اولـــسه خــلقين جاني قــورتولار
مــرد اولـــنده هـــامــي دئــيه ر واي حيـيف
دده كاتـــيب بـــــير آلــــلاهـا ايـــــنـاندي
مـــينت چــــــكــمز مــيـنت بـــار گـــرانـــدي
يارامـــــيشا رزاق قـــادر ســـوبــــحــاندي
اوره گــيـن آيــــناســيـــن ائـــيــله مه كثيف
گؤنده ر
بؤلوم لر:
دده كاتيب
قالمادي
دلي كــــونــــــول اويــــــما مــــيمـانخانه ده
كاروان كــــوچدو او مــيمانـــلار قالــمادي
طــــمع گـــوزون تــــــــيكمه مــالا مـــقــاما
خـــانــلاركــوچدو خــانــدانـــلار قالـــمادي
بــــير واريــــن گــــوروب ايـــفاده ســــاتدي
كــــيبر ائيله ييب او گــويــلره اوخ آتــــدي
تــــوپراغا قــوشانيب اوز قــــويوب يـــاتدي
جســدلــر چــورودو جـــانلار قــــالــمادي
بــــيري اوزون گــــوروب آزدي يـولـــونـــدان
اوتوردي يــولون هر نه يي دئدي پولوندان
بير دم قـودرتــــيندن بــــير دم قولـــونـــدان
قــول قـــيريـلدي پـهلــيوانــلار قالــمادي
بيري مولكودن دئدي بيري مــــاشــــيندان
اويقونلوق سئوداسين آتــماز باشــيندان
غـافــيل اولــدو يــارادانــــين ايـــشـــــيندن
بــو دونـــيادا سـولــيمانــــلار قالــــمادي
جوشقون كونلوم گئنه درسين اوخوسون
تـــوك آغاردي بيلديم كــفن قـــوقـوسون
ائشــيديب بـــيلنلر رحــمت اوخـــوســو ن
كــاتيب كيمي گــــوهر خــانلار قالــمادي
گؤنده ر
بؤلوم لر:
دده كاتيب
قالماسين
قادر الله بودور سندن ديله ييم
بولبولون اينتيقامي خارا قالماسين
عومرون باهاري يامان قيش اولدو
يئني يار آچيلسين قارا قالماسين
درويش اولوب قورشانميشام پوستوما
غم اوردوسو هوجوم ائتدي اوستوما
سحر يئلي سلام آپار دوستوما
گولسون اوره ئينده يارا قالماسين
بير درديم بئش اولدو بيله نيم يوخدو
آغلارام گوز ياشيمي سيله نيم يوخدو
قارانليق گئجه ده گله نيم يوخدو
صوبح آچيلسين شب تارا قالماسين
منيم بو درديمي بير الله بيلر
دوستلاريم آه چكر دوشمانيم گولر
كاتيب ياراداندان بير ديلك ديلر
منيم آهيم سيتمكارا قالماسين
گؤنده ر
بؤلوم لر:
دده كاتيب