يازارلار: كارل آلبئرت و روْن زئنك
چئويرن: كاوه فضلي خلف*
كيشي تعطيلاتدا گئتمك ايسته‌دييي كيچيك هوْتئله بير مكتوب يازدي: «من چوْخ سئوينه‌رم كي ايتيمي ده اؤزومله گتيرم. ايتيم چوْخ ياخشي گئييملي و چوْخ ياخشي تربييه‌ليدير. سيز، ايتيمين گئجه‌لر ده اوْتاغيمدا منيم يانيمدا قالماسينا ايذين وئره‌جكسينيز مي؟»
هوْتئل صاحيبيندن بير جاواب گلدي، اوْ يازميشدي:
«من چوْخ اوزون ايللردير كي بو هوْتئلي دوْلانديريرام. بوتون بو موددتده، هئچ واخت گؤرمه‌ديم كي بير ايت، حؤوله‌لري، ملافه‌لري، گوموش قاشيقلاري ويا دووارداكي تابلوْلاري اوْغورلاسين. من هئچ واخت گئجه‌ياريسي بير ايتي سرخوْش اوْلدوغو اوچون ويا گورولتو چيخارديغي اوچون هوْتئلدن قوْوماغا مجبور اوْلماديم. من هئچ واخت هوْتئلين پولونو وئرمه‌دن قاچان بير ايت گؤرمه‌ديم. گئرچكدن ايتينيز منيم هوْتئليمه خوْش گلميشدير. آمما سيزه گلينجه، ايتينيز سيزه ده ضامين اوْلورسا، سيز ده بوردا قالا بيليرسينيز.»
گؤنده ر
بؤلوم لر:
آذري