يازار: فخرالدين بوزداغ
چئويرمن: ائلميرا فضلي خلف
تايپ‌‌دا كؤمكچي: آزرائللي
آناسينا سسلندي: آناجيم، چؤرك چوخ گؤزل ياپيلميش. بونون اوچون سنه تشككور ائديرم.
آناسي: ياوروم، چؤره‌يي، من ياپماميشام. باققال‌دان ساتين آلميشام، دئدي.
امراه، محله‌ده‌كي باققالا گئتدي.
باققال عمي‌جان، آنام چؤره‌يي بورادان ساتين آلير. چؤرك چوخ گؤزل ياپيلميش. بونون اوچون سنه تشككور ائديرم، دئدي.
باققال: چؤرك‌لري من ياپميرام. چؤركچي‌دن آليرام. سن چؤركچي‌يه تشككور ائتمه‌لي‌سن، دئدي.
امراه، چؤركچي دوكانينا گئتدي. شاتير چؤرك بيشيريردي.
چؤركچي عمي‌جان، باققال چؤرك‌لري بورادان آلير. چؤرك‌لر چوخ گؤزل ياپيلميش. بونون اوچون سنه تشككور ائديرم، دئدي.
_چؤركچي: چؤرك‌لرين گؤزل اولدوغو دوغرو. اما دگيرمانچي‌اون وئرمزسه، من چؤرك ياپامام. سن دگيرمانچي‌يا تشككور ائتمه‌لي‌سن، دئدي.
امراه دگيرمانا گئتدي. دگيرماندا بوغدالار اون ياپيليردي.
ـ دگيرمانچي عمي‌جان بوغدالاري اونا چئويريرسن. چؤركچي سندن اون آلير، چؤرك ياپير. باققال چؤرك‌لري ساتير. چؤرك‌لر چوخ گؤزل. بونون اوچون سنه تشككور ائديرم، دئدي.
دگيرمانچي: بوتون بونلار دوغرو، فقط. جوتچو بوغداني اكمزسه، بوغداني دگيرمانا گتيرمزسه، من اون ياپامام. شاتير چؤرك ياپاماز. باققال چؤرك ساتانماز. سن جوتچويه تشككور ائتمه‌لي‌سن. امراه، شهرين ياخينليغينداكي تارلايا گئتدي. ياشلي جوتجو تارلادا بوغدا بيچيردي.
ـ قولاي گلسين جوتچو دده! دئيه سسله‌دي.
آغ‌ساققال جوتچو، آلنينداكي ترلري سيلدي.
ـ آللاه راضي اولسون ياوروم، دئدي.
ـ سن بوغداني اكيرسن. دگيرمانچي بوغداني اون ياپير. چؤركچي اوندان چؤرك ياپير. باققال چؤرك‌لري ساتير. چؤرك چوخ گؤزل بير نئعمت. بونون اوچون سنه تشككور ائديرم، دئدي.
آغ‌ساققال جوتچو گولومسه‌دي. الين امراه-ين اوموزونا قويدو: باخ ياوروم، اگر توپراق وئريملي ياراديلماسايدي. بولودلار ياغمور ياغديرماسايدي. گونش ايستيسيني و ايشيغيني يئر اوزونه گؤندرمسه‌يدي. من بوغداني اكنمزديم. دگيرمانچي بوغداني اون ياپا بيلمزدي. شاتير چؤرك بيشيرنمزدي. باققال چؤرك ساتانمازدي. سن ده گؤزل ياپيلميش بو چؤرك‌لردن يئينمزدين، دئدي.
امراه مات قالميشدي.
ـ اوندا، من ايندي كيمه تشككور ائديم؟ دئيه سوردو.
جوتچو امراه‌ين ساچلاريني اوخشادي
ـ سني، آناني، باباني، باققالي، شاتيري، دگيرمانچي‌ني، جوتچونو، توپراغي، بولودو، ياغمورو، گونشي، ايستيني، ايشيغي و بوتون هر كسي يارادان آللاه- ا.
امراه نشعه ايچينده ائوه دؤندو. آناسي نامازا دورموشدو. او دا، ديز چؤكه‌رك اوتوردو اللريني آچدي: آللاه-يم، سنه، هركس آدينا و هر شئي اوچون شوكورلر اولسون.
گؤنده ر
بؤلوم لر:
آذري