دولانديم، گزديم بوتون دونياني. گؤردوم اوندا اولان هر ياني. سونوندا بير تك اينساندان قورخدوم. اؤز سويون قيران، آرادان آپاران يالنيز اينساني گؤردوم. هر گون بومبالار سالان، سوچسوز كؤرپه لرين ائويني ييخان، تكجه اينساني گؤردوم. دوستونون آياغي آلتيني قازان، ييخيلارسا آرتيق بير تپيك ووران، يالنيز اينساني گؤردوم. قونشوسو آج ياتيب، قارنيني دولدوروب، تكجه اينساني گؤردوم.
تاريخ لري يارپاق لاديم. يئنه دونيادا اؤز ائويني ييخان، يالنيز اينساني گؤردوم!
آلداديريق اؤزوموزو!! حئيوان آديندان قاچماغا، اينسان آديني سئچميشيك. نه بيليم، اولا بيلر، يازيق حئيوان لارين آدي كورلانماسين دئيه اؤزوموزه اينسان دئميشيك!
يازان: حسين واحدي
