سوزمه بال هضمي آسانلاشديرديغي اوچون رمضاندا سئچمه سببي اولور.
هضمين يانيندا يوخو دوزنينه ده ياخشي گلير
بال، ايچريسينده اولان ويتامين و مينراللارين ديگر قيدا‌لارين بدنده داها آسان سينديريليب، داها ياخشي اميلمه‌لريني تعمين ائدير. بوندان باشقا قاراجيگردن توكسينلرين تميزلنمه‌سينه ده كؤمكچي اولور. بونون يانيندا بالين، متابوليزم استرسي آزالتماسي سايه‌سينده اوباشدانليق سببيله دگيشن يوخو دوزنييني يولونا قويما خصوصيتي ده وار.
متخصص‌لر، چتين شرط‌لرده الده ائديلن و صنايع محصولو اولان بال مومونون، هئچ بير قيدا دگري اولماديغيني، انسانلارين طبيعي اولدوغونو دوشونه‌رك بال مومونو توكتملري‌نين زياندان باشقا بير شئي اولماديغيني ايفاده ائدير.
سوزمه بالي ترجيح ائدين اوياريسي
بونا گؤره بالي پَتكلي اولا‌راق استفاده‌سيندن خصوصيله قاچينماق لازيم اولدوغونو خاطيرلا‌دان متخصص‌لر، "آريجيليقدا استفاده ائديلن درمانلارين بير چوخو بيرباشا پَتكلر اوزرينه تطبيق اولونور. هر پتگين تك-تك تحليلي هم پراكتيك اولا‌راق هم ده اقتصادي باخيمدان مومكون دئييل. بونا گؤره نظارتسيز شرط‌لرده چيخاريلميش پَتكلي بال‌لار بازاردا يئر الير. بوندان باشقا بوتون بو منفي‌ليكلره علاوه اولا‌راق پَتكلي بال‌لار ديگر محصوللارا گؤره ايكي اوچ قات داها باها‌لي ساتيلير. بونون اوچون، لابوراتوري شرط‌لرينده تك-تك هر خصوصيتي‌نين آراشديريلابيلير اولماسي و تميزليك شرط‌لرده دولدورما و پاكتلنمه‌سي‌نين ائديله بيلمه‌سينه گؤره سوزمه بال‌لاري سئچيمه ائديلمه‌سي لازيمدير "دئدي.
گؤنده ر
بؤلوم لر:
آذري