تاپشيريق
اؤكوز، پلنگ دوشدو يولا
دووشان اولدو يولداشيميز
باليق،
ايلان، آت يولدادير
قويون اتي بوزباشيميز
ميمون، تويوغو چنگه لر
ايت، دونوزون،ايزين سيلر
سيچان، اؤكوزدن تئز گلر
دونوز اولار ساي باشيميز
تاپشيريرام سؤزومه باخ
بعضي سؤزلري گل بوراق
چيخسا جيزيغيندان
آياق!!
ضررين گؤرر باشيميز!!!
هوركوتمهيين دوووشاني
يئسه ده چؤلده يووشاني
دوغرو سؤزدو يوخ يالاني
هوركوتسك پيشر آشيميز
بو ايللرين قدريني بيل
ساللاق سؤيود كيمي اَييل
هاوا پيسدي دالدان اكيل
آرخا دورماز سيرداشيميز!!
يئر سورونمز برك اولاندا
پاييز گولر گول سولاندا!
توستو گؤزلره دولاندا
اود توتار يانار قاشيميز!!
دوشن اوچاق يئري اَزير
شوكر ائلهيير گئدن وزير!!!
بيري اورمو گؤلون
گزير
قورو اولوبدور ياشييميز
شيمشك ده بيزي ياخانماز!!
چايلار دنيزه آخانماز!!
كيمسه بيزه چپ
باخانماز!!
قوجا چيندير قارداشيميز!!!
بايراميز اولسون موبارك
يازدا بيتهجكدير چيچك
آتين (موزالان)ي گئدك!!
اونسوز دا وار ديلداشيميز!
موزالان
تورك ايللرينين سيراسي:
سيچان، اؤكوز،
پلنگ، دووشان،
بـاليـق، ايـلان، آت، قـويـون،
ميمـون، تويـوق، ايت، دونـوز
گؤنده ر
بؤلوم لر:
شعر آذري