غفلت
اؤزون داده يئتيش يارادان آللاه
گوجدن دوشدوك قدرتيميز قالمادي
مين دؤرد يور ايل شهرتيميز واريدي
ذليل اولدوق عزتيميز قالمادي
دوستلاري اونوتدوق دوشماني توتدوق
يولداشي بوراخديق اويناشي توتدوق
بيرليك آغاجيني كؤكدن قوروتدوق
دامارلاردا غيرتيميز قالمادي
دامارلاردا ايستي قانلار آخاردي
قيلينجيميز شيمشك كيمي چاخاردي
هر دؤرد طرف گوجوموزدن قورخاردي
هئچ زاد اولدوق هيبتيميز قالمادي
دده كاتيب بيزي پوزدو بو غفلت
ديلده داد قالمادي آغيزدا لذت
خوش جمله دير معلول اولماز بي علت
علت بودور وحدتيميز قالمادي
