اوچ ها اوچ
ده لي كؤنول
چوخ آه و زار ائيله مه
پروار ائله غمخانه دن اوچ ها اوچ
دردين اولسا آلچاقلارا سؤيله مه
بير دردين آرتيرار ائيلر اوچ ها اوچ
مرد اوغلانلار هر زامانلار مرد اولو
يئمه نامرد لقمه سيني در اولو
قورد بالاسين هر نئيله ين قورد اولو
اصيل قوچدان قوچلوق اولار قوچ ها قوچ
خسيس لرين دويماز گؤزو دار اولار
الدن ياپيشانا مولا يار اولار
شورا يئرده بوستان اكمه خوار اولار
سعيين باتار توخمون اولار پوچ ها پوچ
دده كاتيب چاغير شاه ذوالكرم
حقينه قانع اول چكمه درد-غم
پيس قونشونون قونشولوغون جهنم
يوكون يوكله جهنمدن كؤچ ها كؤچ
