ائل ديلي و ادبياتي درگيسي 6-جي سايي 1382-جي ايل
بو تاپماجالار اردبيلين چاناق بولاغ كنديندن توپلانميشدير.
آتدان اوجا ايت‌دن آلچاق. «يهه‌ر».
آزان چكر ناماز قيلماز, آرواد آلار كبين سالماز. «بئچه».
آسدي درگاه ايچمه‌لي, اوسدو گوي اوْت بيچمه‌لي. «قوْيون».
آلچاق دامنان قار ياغار. «قلبير», «الك».
آلچاق قويودان سو شاققيلدار. «قاليان».
آللاه‌دان آشاغي, پئيغمبردن اوجا. «عمامه».
اوْبادا فرمان. «خوْروز».
كندده سولئيمان. «كوپك».
اوْتاي قايا, بوتاي قايا, اوْرتاسيندا شيرين پايا. «گوز».
اوْرتاسي جهننم, دووره‌سي دريا. «سيماوه‌ر».
اوزو توكلو, اوْندان اوْلان توك سوز, اوْندان اوْلان توكلو. «توْيوق».
اوستو اوْددو پاريلدار, آلتي سودو خاريلدار. «قاليان».
اول‌كي مخمل ساتان, ايكينجي پامبيق ساتان, اوچونجو آغاج ساتان. «اييده».
اوْنمنه‌دي اوْن آياغي‌وار, اوچ باشي آغاجدان داياغي وار. «خيش».
اوْنمنه‌دي بيرقيچي اوسته دوْلانير.«قاپي».
اوْنمنه‌دي دورد دووروش۱ بير قويويا داش آتار. «سوتون ساغيلماسي».
اوْيان دووار, بويان دووار, اوْرتاسيندا مييان دووار. «بورون».
ايكي داغ‌دير, آراسي دوْلو ساري مايا. «يومورتا».
ايكي داغين آراسيندا بير ياش ات. «ديل».
ايليم ايليم دويمه‌سي, ايليم ختيم دويمه‌سي, اوْنوتاپمايان يئددي ايلين خسته‌سي. «اوزه‌رريك»
بابام بير كيليم آليب, قاتلاماق اوْلماز.
بير جوت باشماق آليب جوتلمك اوْلماز. «گوي» «اولدوز».
بابامين بير ايپي وار, آلابولادير. «گئجه گوندوز».
بابامين بير سورو آغ قوزوسو وار. «ديش».
بابامين بير شالي وار نه‌قده‌ر ساريسام قوتارمير. «يوْل».
بالالارين ييغار باشينا آغلار (سيزيلدار). «سيماوه‌ر».
بالدان شيرين بالتادان آغير. «يوخو».
بوبئله هوت داشي (ال ايله اندازه‌سين گوستريرلر) يانديرير داغي- داشي. «ايستي‌اوْت».
بوردان بير ماما چيخدي, ال قوْيدو داما چيخدي. «پيشيك».
بير اوزون قيزيم وار. گئجه ده گئده‌ر گوندوز ده. «چايين سويو».
بير اوزانير, اوچ قاتلانير. «بافا, يوْنجانين بافاسي».
بير ايپيم وار ايكي قاتي قويويا چاتـير, تك قاتي چاتمير. «ناماز قيلانين اييليب دورماسي».
بير داميم وار, تك ديره‌يي وار. «گوبلك».
بير داميم وار يوْلو يوْخ, كوينگيم وار قوْلو يوْخ. «قبير» «كفن».
بير شئي واردي يئميشديم, يئمه‌سئيديم اولموشدوم, ايندي اوْلسا يئمه‌ره‌م, يئمه‌سم‌ده اولمه‌ره‌م. «آنانين سوتو».
بير شئييم وار باشي جهننم, اوْرتاسي مئشه, آلتي دريا. «قاليان».
بير شئييم وار يئريينده بير قيچي وار اوْتوراندا اوچ قيچي. «فورغون».
بيركم آشيغيم وار, ايچينده بير ساققا (آشيغين بويوگو). «اولدوزلار ايله آي».
بيركم آشيغيم وار گئجه سپيب, گوندوز ييغيرام. «اولدوز».
بير كوينك وار گئتسم بازارا آلمارام, آلسام گئيمه‌ره‌م. گئيسم‌ده گورمه‌ره‌م. «كفن».
بيز بير دسته قيز ايديك, بيزي ازديلر, ايپه دوزدولر. «اريشته».
بيزيم ائوده اوسوب ياتـيب, قولاقلارين قيسيب ياتـيب, بير داش ووردوم اويانمادي, ائله بيلديم كوسوب ياتـيب. «موْتال».
بيزيم حيه‌ط‌ده قويو وار, قويونون سويو وار, سويونون ايلاني وار, ايلانين گوزو وار. « پي‌سوز چيراق ».
پالتارين چيخارداندا آدام آغلار. «سوْغان».
تاپ تاپماجا, قاب آلتداجا. «كوفته».
جاوانليغيندا گوت اوْتورار, قوْجاليغيندا توتماق اوْلماز. «قامالاغ» (آلاق نووو).
چكديكجه گوده‌لر. «سيگار».
حاجي‌لار حاجا گئده‌ر, عهد ائله ييب گئجه گئده‌ر, بير يومورتانين ايچينده قيرخ دنه جوجه گئده‌ر. «نار».
داغا داشا وورارام سينماز, سويا وورارام سينار. «كاغاذ».
داغدا تاپپيلدار. «تئشه».
چايدا چاپپيلدار. «باليق».
داغ‌دان گلر بئش ائششك‌لي, دمير ديش‌لي گون داششاغ‌لي. «كيركيت, دفه».
داغ‌دان گلر داغ كيمي, باغيرار اولاق كيمي. «سئل».
داغ‌دان گلر داغ كيمي, قوْل‌لاري بوداق كيمي, اييلر سو ايچمه‌يه, آنقيرار اولاق كيمي. «نئهره».
دام اوسته دايلاق اوْينار. «دوْلو».
دام اوسته ساري يايليق. «بوْراني».
دوْلوسو ايله بوْشو, بير وزن‌ده‌دير. «ناوار- لئنتا».
زر زره ياپيشيق,زر دووارا ياپيشيق, زر خانيم گلمه‌سه, زر دوواردان آچيلماز. «كيليد و قيفيل».
ساري‌دي سامان دئييل, يازي‌لي‌دي قوران دئييل. «قيزيل».
ساققالي اتدن, بورنو سوموكدن, گليردي بنددن, هاي وئردي كنددن. «بئچه».
سانديغيم وار آغزي جفردار, آغزين آچاندا دونيادان خبردار. «گون».
سيلديم سوپوردوم حاجي لئيلك گلدي اوْتوردو. «جهره».
شهه‌ري قيرميزي, مردومو قارا. «قارپيز».
قاپي داليندا گيزگه‌لي (ساچلي) قيز. «سوپورگه».
قارا سيغير گئده‌ر قالماز, آغ سيغير ياتار دورماز. «گئجه گوندوز».
قوْجا بابام دامدادير, ساققالي ائيواندادير. «چيراغين ايشيغي».
قوْجا كيشي داغ‌دان شله ائنديره‌ر. «اوزقيرخان ماشين».
قويروغوندان توتارام قان قوسار. «چاي‌نيك».
قويروغوندان توتمايـينجاق ائوه‌گيرمز. «قاشيق».
قيرميزي اوكوز ياتار دورماز, گوي اوكوز گئده‌ر گلمز. «اوْد» ايله «توستو».
كئچه‌دن كومبز, قاپوسو يوْخدور. «قارپيز».
كهر كهر كهر آت, بئلي چوكوك كهر آت, نه مئيداندا توتولور نه بازاردا ساتـيلير. «پشه».
گئده‌ر بوتون يئري گزه‌ر, گلر آغزي آچيق ياتار. «باشماق».
گوده قيلينجيم, دووارا كئچيم. «ايينه».
گويدن گليب لام وْنان (ل, ن), بير دسمال بادامينان, نه آغزي وار نه گوزو, دانيشار آدامينان. «قوران».
گويدن يئره ساللانير, اوشاغا وئردين آللانير. «آلما».
ننه وينكي ياپيشيق, ده‌ده وينكي بير قاريش. «ناماز قيلان‌دا قيچ لارين حالتي».
نه يئرده‌دي نه گوي‌ده, حالقا ووروب بير يئرده. «دامين اوست باجاسي».
نه يئرده‌دي نه گوي‌ده,ظولم جاهان ايچينده. «باجا».
هاپ هاپي, كركي ساپي, بير بوداغين بئش يارپاغي. «بارماقلار».
هامي‌‌ني بزه‌ر, اوزو لوت گزه‌ر. «ايينه».
هانسي قورباني اوْلدوغوم‌دي, توكو ايچينده‌دي. «موْتال».
هانسي مئيوا‌دي‌كي كال ايكن شيرين‌دي, يئتيشدي آجي اوْلار. «پوسته».
هرنه‌يي چكسن قيريلار, بونو چكديكجه اوزانار. «سوز».
هوره‌ر, هوره‌ر, بورنو شيشر. «جهره».
هيني هينيجه, كورسو بوْيداجا, دوه‌ده‌ن اوجا. «كجاوه».
يئر آلتيندا آينا گئده‌ر. «گافايين» (گاو آهن).
يئر آلتيندا اوْخلوْو گئده‌ر. «ايلان».
يئر آلتيندا توكلو موْتال. «سيچان».
يئر آلتيندا قانلي كاسا. «چوغوندور».
يوخاري گئتسه آشاغي گلمز. «ياش» (فا. سنّ آدمي).
يوك اوستونده پارا فتير. «آي».
يوْنتالديقجا ايشگه‌لر: «قويو».
۱- : دروٌيش.
گؤنده ر
بؤلوم لر:
آذربايجان